Amurrion bertan bizilekua aldatzeagatik erroldan aldaketa egitean datza.

Interesa duen pertsonak edo haren legezko ordezkariak.

IDENTIFIKAZIO-AGIRIAK:

• Bizilekua aldatzen duten pertsona guztien NANa (derrigorrezkoa da 14 urtetik aurrera).
• Adingabeak: familia-liburua. Gurasoetako batekin bakarrik erroldatu nahi denean, adingabearen zaintza edo babesa duela egiaztatu beharko da epaiaren bitartez. Halakorik egon ezean, ADINGABEEN ARDURADUNAREN AITORPENA aurkeztuko da, eta bertan adieraziko da beste gurasoaren baimena daukala.

ATZERRIKO PERTSONEN IDENTIFIKAZIO-AGIRIAK:

• Europakoak ez diren atzerritarrak: indarrean dagoen egoitza-baimena (NIE), baldin badaukate, edo jatorriko herrialdeko indarreko dokumentazioa (pasaportea).
• Europakoak diren atzerritarrak: indarrean dagoen egoitza-baimena (NIE), baldin badaukate, edo jatorriko herrialdeko indarreko NANa edo pasaportea.
• Atzerritarrak adingabeak: arestian aipatutako identifikazio-agiriez gain, familia-liburua edo jaiotza-agiria. Espainian jaio diren hiru hilabete baino gutxiagoko adingabeek familia-liburua baino ez dute aurkeztu beharko. Gurasoetako batekin bakarrik erroldatu nahi denean, adingabearen zaintza edo babesa duela egiaztatu beharko da epaiaren bitartez. Halakorik egon ezean, ADINGABEEN ARDURADUNAREN AITORPENA aurkeztuko da, eta bertan adieraziko da beste gurasoaren baimena daukala.

ETXEBIZITZAREN DOKUMENTAZIOA:

• Jabetza-titulua: eskritura edo salerosketaren kontratu pribatua, testamentua edo dohaintza.
• Errentamendu-kontratua.
• Etxebizitzaren jabearen edo errentariaren baimena. Horretarako, ETXEBIZITZAREN BAIMENA eta baimena ematen duen pertsonaren NANa aurkeztu behar dira.
• Banantze- edo dibortzio-epaia, edo etxearen erabilera eta luperketa onartzen dituen epaia (epaiak irmoa izan behar du).

Udalak bere gain hartuko ditu kudeaketa-gastuak.

Aurreikusitako epea: izena ematean, helbide-aldaketa behin betikoa izango da.

Gehieneko legezko epea: hiru hilabete.

Administrazio-isiltasunaren ondorioa: positiboa.

• 7/1985 Legea, Toki Araubidearen Oinarriak araupetzen dituena. 15 eta ond. artikuluak (1985eko apirilaren 3ko 80 zenbakiko BOE)
• 1690/1986 Errege Dekretua, Toki Erakundeen Biztanleriari eta Lurralde Mugaketari buruzko Erregelamendua. 53 eta ond. artikuluak (1985eko apirilaren 14ko 190 zenbakiko BOE)

1. Aurkeztutako agiriak eta etxebizitzaren egoera egiaztatu egingo dira.
2. Baldintza guztiak betetzen badira, datuak biztanleen erroldako aplikazio informatikoan sartuko dira, eta interesa duen pertsonak eskaera sinatuko du. Ondoren, espedientea idazkaritzara igorriko da.
3. Baldintzaren bat betetzen ez bada, helbide-aldaketa ukatzeko ebazpena emango da eta eskatzaileari jakinaraziko zaio.
4. Artxibatu egingo da.

• Helbide-aldaketa Trafikoko Zuzendaritza Nagusiari jakinaraziko zaio eta, hala badagokio, eskaera bertako datu-basera igorriko da
• Herritarrei prozesua erraztu eta bizkortze aldera, aurkeztu behar diren agirien fotokopiak doan egin ahal izango dira udaletxeko bulegoetan.