Biztanleen erroldan datu hauek aldatzean datza: abizenak, izena, herritartasuna, jaiotza-lekua edo data, sexua, ikasketak, NANa eta jaiotza-udalerria edo probintzia.

Edonork.

Aurkeztu beharreko agiriak aldatu nahi diren datuen araberakoak izango dira: NANa, pasaportea edo egoitza-baimenaren inguruko datuak aldatu nahi dituztenek agiri horiek aurkeztu beharko dituzte; bestalde, aldatu nahi den informazioak ikasketekin zerikusia badu, titulu akademikoa aurkeztu beharko da.

Udalak bere gain hartuko ditu kudeaketa-gastuak.

Aurreikusitako epea: unean bertan.

• 7/1985 Legea, Toki Araubidearen Oinarriak araupetzen dituena. 15 eta ond. artikuluak (1985eko apirilaren 3ko 80 zenbakiko BOE)
• 1690/1986 Errege Dekretua, Toki Erakundeen Biztanleriari eta Lurralde Mugaketari buruzko Erregelamendua. 53 eta ond. artikuluak (1985eko apirilaren 14ko 190 zenbakiko BOE)

1. Beharrezko agiriak jaso eta egiaztatu egingo dira.
2. Datuak aldatu egingo dira biztanleen erroldako aplikazio informatikoan.
3. Agirien fotokopiak egingo dira.

• Herritarrei prozesua erraztu eta bizkortze aldera, aurkeztu behar diren agirien fotokopiak doan egin ahal izango dira udaletxeko bulegoetan.