Oinarrizko Gizarte Zerbitzuak ematen du zerbitzu publiko hau, eta udalerriko pertsona guztientzat dago pentsatuta. Amurrioko herritarrak gizarte-zerbitzuen sistema publikora sartzeko lehen puntua da. Zerbitzu honen bidez, bakoitzak bere gizarte-eskubideei buruzko aholkularitza jaso dezake, eta gizarte-zerbitzu eta -prestazioak jasotzeko laguntza jaso dezakete horretarako eskubidea duten guztiek. Aholkularitza hori jasotzeko, aurretik eskatu behar zaio hitzordua erreferentziako gizarte-langileari.
- Gure udalerriko pertsonen eta familien gizarte-beharrak baloratzen ditu, eta behar edo egoera jakin horiei ondoen dagokien aukerei buruzko orientazioa ematen du.
- Baliabide espezializatuetarako sarbidea errazten du, baita gizarte-babeseko beste sistema batzuekin lotutako baliabideetarako ere.
Interesdun guztiek (Amurrion erroldatutakoa) edo legezko ordezkariak, laguntza profesionala behar badute edo gizarte-zerbitzuetako edozein esku-hartze arlori buruzko informazioa nahi badute.
Ez da inongo dokumenturik behar lehen hitzordurako.
Udalak bere gain hartzen du kudeaketaren kostua.
Aurreikusitako epea: Hilabete bat, premiazkotzat jotzen diren egoeretan izan ezik.
Gehieneko legezko epea: ez dagokio.
Adierazitako epean erantzunik ez jasotzearen esanahia: ez dagokio.
- 64/2004 DEKRETUA, apirilaren 6koa, zeinaren bidez onartu baita euskal autonomia erkidegoko gizarte-zerbitzuen erabiltzaileen eta profesionalen eskubide eta betebeharren gutuna, eta iradokizunen eta kexen araubidea.
- 185/2015 DEKRETUA, urriaren 6koa, Gizarte Zerbitzuen Euskal Sistemaren prestazio eta zerbitzuen zorroari buruzkoa.
- 12/2008 LEGEA, abenduaren 5ekoa, Gizarte Zerbitzuei buruzkoa. (246 zenbakiko EHAA, 2008/12/24koa)
- Gizarte-langilearekin hitzordua esleituta dagoenean, etorkizuneko izapideak arintze aldera, behar diren inprimakiak emango zaizkio interesdunari, betiere hitzorduaren arrazoia eta gizarte-langileak emandako eguna jakinarazten baditu.
- Egoera baloratuko da, eta, horren arabera, baliabideak, zerbitzuak eta/edo prestazioak izapidetuko dira.
- Kasuaren jarraipena egingo da, hala badagokio. Jarraipenaren intentsitatea bakoitzaren beharren araberakoa izango da.
- Premiazko egoera bat hautematen bada, berehala emango da hitzordua gizarte-langilearekin.
- Oinarrizko Gizarte Zerbitzuaren arreta Amurrioko Udalean ematen da, beheko solairuan, zentroan eta eskuinaldean. Egoera dela-eta beharrezkoa bada, bitarteko hauen bidez ere emango da:
- Etxeko arreta-zerbitzua.
- Telefonoz (telefono bidezko hitzordua).
- Posta elektronikoz.
- Herritarrei prozesua errazteko eta arintzeko, Oinarrizko Gizarte Zerbitzuaren bulegoetan egin ahal izango dira aurkeztu beharreko agirien fotokopiak, doan.