- Indarrean dagoen legerian aurreikusitako baliabide ekonomikoen laguntza subsidiario eta osagarriak dira, eta horien helburua da lehendik dauden eta gure inguruan eskatu daitezkeen laguntzen estaldura osatzea eta, kasu batzuetan, handitzea, baita laguntza horien helburu diren pertsonen kolektiboa hein batean handitzea ere.
- Hona hemen eskatu daitezkeen udal-laguntzak:
b.1) Familia mantentzeko laguntzak.
b.2) Genero-indarkeria gertatzen denetan ostatu eta mantenua izateko diru-laguntzak.
.3) Behar handia dagoenetan, ostatua eta mantenua izateko diru-laguntzak.
b.4) Adikzio-ohiturak uzteko tratamenduetarako joan-etorriak egiteko eta komunitate terapeutikoetan sartzeko gastu pertsonaletarako diru-laguntzak.
b.5) Gaixotasun mentala duten pertsonek gizarte-integraziorako jardueretan parte hartzeko joan-etorriak egiteko diru-laguntzak.
Honako hauek aurkeztu dezakete eskaera:
- Interesdunak zuzenean.
- Hala badagokio, interesdunaren legezko ordezkaritza izendatua duenak.
- Hala badagokio, interesdunaren egitatezko zaintza duenak.
Eskatzaileek baldintza hauek bete beharko dituzte:
- 18 urte baino gehiago izatea.
- Amurrion erroldatuta egotea eta egiazko bizilekua bertan izatea gutxienez laguntza eskatu den eguna baino 18 hilabete lehenago.
- Bizikidetza-unitate independente bat osatzea, gutxienez laguntza eskatu den eguna baino urtebete lehenago.
- Programaren oinarrietan jasotako irizpideen arabera baliabide nahikorik ez izatea.
- Bizikidetza-unitateak bere ongizatera bideratutako inklusio-ibilbide bat egitea.
- Etxebizitzaren Euskal Zerbitzuan etxebizitza-eskatzaile gisa izena emanda egotea laguntzak alokairuaren gastuak ordaintzeko eskatzen badira.
Oinarrizko Gizarte Zerbitzuak baloratu egingo ditu behar handia izanik baldintza guztiak egiaztatu ezin dituzten ezohiko kasuak.
- Aurkeztu beharreko agiriak Amurrio udalerrian behar-egoerentzako diru-laguntzak eskatzeko eta ebazteko prozedura arautzen duten Ordenantzaren 4.3 puntuan (Eskaera egiteko prozedura) daude jasota.
- Ikusiko da ea beste agiri osagarririk aurkeztu behar den kasuaren edo eskatutako laguntza motaren arabera.
Eskaera izapidetzeko, agiriak posta arruntaren bidez aurkezten badira ere, hitzordua eskatu beharko da erreferentziazko gizarte-langilearekin. Hitzordua bitarteko hauen bidez eskatu ahal izango da:
- Aurrez aurre: udaletxean. Gizarte Zerbitzuak arloa- beheko solairua, zentroa (Juan Urrutia z.g. 01470 – Amurrio).
- Telefonoz: 945891161
- Posta elektronikoa:14Tisaenz@amurrio.eus14T
- Posta arrunta: adierazitako helbidera bidali behar da.
Udalak bere gain hartzen du kudeaketaren kostua.
Aurreikusitako epea: hilabete bat.
Gehieneko legezko epea: hiru hilabete.
Adierazitako epean erantzunik ez jasotzearen esanahia: ezezkoa.
- 38/2003 Lege Orokorra, azaroaren 17koa, Diru-laguntzei buruzkoa
- Amurrio udalerrian premia-egoeretarako diru-laguntzak eskatzeko eta ebazteko prozedura arautzen duen Ordenantza.
- 887/2006 Errege Dekretua, uztailaren 21ekoa, Diru-laguntzei buruzko azaroaren 17ko 38/2003 Lege Orokorraren Araudia onartzen duena.
- Erreferentziazko gizarte-langilearekin hitzordua hitzartu ez bada, hitzordua eskatu behar da.
- Gizarte-langileak egoera baloratuko du.
- Eskabidea jaso eta erregistratu egingo da.
- Agiriak berrikusiko dira, eta akatsak edo falta dena zuzenduko da, hala badagokio.
- Txosten teknikoa egingo da, erabaki-proposamen batekin.
- Erabakia hartuko da Tokiko Gobernu Batzordearen edo Alkatetza dekretuaren bitartez.
- Erabakia interesdunari jakinaraziko zaio.
- Erabakia aldekoa bada, prestazioa ordainduko da.
- Titularrak laguntzaren helburu den gastua gauzatu dela egiaztatu beharko du, hala dagokionean.
- Espedientea artxibatu egingo da.
- Eskaerak aurkezteko epea irekita egongo da urte osoan.
- Diru-laguntza jasotzen den epean Amurrio udalerrian bizitzea eskatuko da, bertan erroldatua egoteaz gain.
- Etxebizitza edo ostatu berean hainbat bizikidetza-unitate badaude, bi bizikidetza-unitate independentek eskatu ahal izango dute gehienez ere laguntza.
- Laguntza hauek jasotzen dituzten pertsonek Amurrioko Udalari jakinarazi beharko diote egoera soziofamiliarrean aldaketarik egon den eta horrek hartutako erabakian eragina izan dezakeen.
- Laguntza hauen hartzaileek Amurrioko Udalari jakinarazi beharko diote beste laguntzarik, diru-sarrerarik edo baliabiderik jasotzen duten, emandako laguntzen helburu diren gastuak finantzatzeko.
- Herritarrei prozesua errazteko eta arintzeko, udaletxeko bulegoetan egin ahal izango dira aurkeztu beharreko agirien fotokopiak, doan.