Familia ugariek eskubidea dute beren ohiko etxebizitza den higiezinarengatiko zergaren urteko kuotan beherapen bat izateko, familia-unitatearen diru-sarreren eta kide kopuruaren arabera.

Interesa duen pertsonak edo haren legezko ordezkariak.

• ESKABIDE-ORRI OROKORRA.
• Familia ugariaren titulua.
• Titularren eta haien ezkontide edo izatezko bikoteen errenta-aitorpena, eskabidea aurkezten duten urtearen aurrekoari dagokiona.

Udalak bere gain hartzen du kudeaketaren kostua.

Gehieneko legezko epea: 6 hilabete.

Administrazio-isiltasunaren ondorioa: ezezkoa.

• 6/2005 Foru Araua, otsailaren 28koa, Arabako Zerga Orokorrari buruzkoa (2005eko martxoaren 11ko ALHAO, 30. zk.)
• 42/1989 Foru Araua, uztailaren 19koa, Ondasun Higiezinen gaineko Zergari buruzkoa (1989ko abuztuaren 25eko ALHAO, 98. zk.)
• Ondasun Higiezinen gaineko Zerga arautzen duen 2. udal-ordenantza fiskala (2014ko abenduaren 5eko ALHAO, 139. zk.)
• http://amurrio.org/sites/default/files/CORRECC%20ORDENANZA%20BOTHA.pdf (2015eko urriaren 7ko ALHAO, 118. zk.)

1. Eskabidea jaso eta erregistratu egingo da.
2. Agiriak Zerbitzu Ekonomikoei igorriko zaizkie.
3. Emandako datuak egiaztatu eta baloratu egingo dira.
4. Sailak proposatutako txostena igorriko da.
5. Alkatetzak ebazpena emango du edo Tokiko Gobernu Batzordeak erabakiko du.
6. Interesdunari jakinaraziko zaio.

• Hobari hau interesdunak hala eskatzen duenean ematen da.
• Hobaria eskaera egin eta hurrengo urtetik aurrera hasiko da ondoreak izaten, bost urtez (aldi hori berritu ahal izango da) edo seme-alabetakoren batek 21 urte bete arte (hori bost urte igaro baino lehen gertatzen bada).
• Eskaera aurkeztu aurreko ekitaldian familiak izandako diru-sarrerak izango dira kontuan hobariaren ehunekoa kalkulatzeko, eta ez da berriz ere kalkulatuko hobaria jasotzeko epean.
• Herritarrei prozesua erraztu eta bizkortze aldera, aurkeztu behar diren agirien fotokopiak doan egin ahal izango dira udaletxeko bulegoetan.