Amurrioko Udalari ondasunak entregatzen edo zerbitzuak ematen dizkieten hornitzaileek, betebeharraren aintzatespena egin dadin, ondasun eta zerbitzu horien faktura originalak bidali behar dituzte. Fakturek honako eduki hau izan behar dute:

• Amurrioko Udalari igortzeko direla adierazi behar da (IFK: P0100200E).
• Pertsona fisiko edo juridikoaren identifikazio-datuak: izen-abizenak, sozietatearen izena, identifikazio fiskaleko zenbakia eta helbidea.
• Faktura-zenbakia.
• Igorpen-data.
• Gastuaren deskribapena, guztizko kontraprestazioa, zerga-tasa eta kuota.
• Fakturari dagokion aldia.
• PFEZen atxikipena, hala badagokio.
• Egindako lanari BEZik ez badagokio, hala ezartzen duten zerga horren arauko xedapenen erreferentzia.

Faktura elektronikoa kasu hauetan erabili beharko da:

• Faktura 5.000 euro baino gehiagokoa denean edo esleipen-kontratua zenbateko hori baino gehiagokoa denean, honako hauentzat: sozietate anonimoak, erantzukizun mugatuko sozietateak eta aldi baterako enpresa-elkarteak, besteak beste.
• Ekonomia- eta administrazio-klausulen pleguek hala eskatzen dutenean.
• Faktura formatu elektronikoan aurkeztu ondoren, ez da fakturarik onartuko beste edozein formatutan.

Amurrioko Udalaren ondasun- eta zerbitzu-hornitzaileek.

• “HIRUGARRENEN ALTA” inprimakia, Amurrioko Udalari fakturatzen dion lehen aldia bada. 3.21 fitxarako esteka

Udalak bere gain hartzen du kudeaketaren kostua.

Gehieneko legezko epea: hilabete.

Administrazio-isiltasunaren ondorioa: ordainketaren epemuga amaitu dela adieraziko du.

• 18/2013 Foru Dekretua, maiatzaren 28koa, fakturatzeko eginbeharrak arautzen dituen Arautegia onartu zuena (2013ko ekainaren 5eko ALHAO, 64. zk.)
• 39/2015 Foru Dekretua, ekainaren 23koa, Arabako toki-administrazioen fakturen kontabilitate-erregistroa sortu eta haiek izapidetzeko prozedura onartzen duena (2015eko uztailaren 6ko ALHAO, 79. zk.)
• 15/2010 Legea, uztailaren 5ekoa, merkataritzako eragiketetan berankortasunaren aurkako neurriak ezartzen dituen abenduaren 29ko 3/2004 Legea aldatzen duena (2010eko uztailaren 6ko BOE, 163. zk.)
• 3/2011 Legegintzako Errege Dekretua, azaroaren 14koa, Sektore Publikoko Kontratuen Legearen testu bategina onartzen duena (2011ko azaroaren 16ko BOE, 276. zk.)

1. Aurkeztutako faktura jaso eta erregistratu egingo da.
2. Eskaneatu eta sailetara bidaliko da, dagozkion izapideak egin ditzaten.
3. Sailak hartu-agiria eta adostasuna emango ditu.
4. Fakturen kontabilitateko zerrenda batean edo Sailak proposatutako txostenean sartuko da.
5. Alkatetzak edo Tokiko Gobernu Batzordeak ebazpena emango du.
6. Ordaindu egingo da.

• Amurrioko Udalak prezioa ordaindu beharko du fakturak igortzen diren dataren hurrengo hogeita hamar eguneko epean. Fakturaren hartu-agiriak zalantza sorrarazten duenean edo merkantzia jaso edo zerbitzua eman baino lehenagokoa denean, hogeita hamar eguneko epe hori merkantzia jaso edo zerbitzua eman den egunetik aurrera zenbatuko da.
• Epe hori igarotakoan, hornitzaileek ordaintzeko betebeharra betetzeko eska diezaiokete idatziz Amurrioko Udalari, eta, hala badagokio, baita berandutze-interesak ere.
• Hilabete igaro ondoren administrazioak erantzunik eman ez badu, ordaintzeko epea amaitu dela ulertuko da eta interesdunak administrazioarekiko auzi-errekurtsoa jarri ahal izango du administrazioaren jarduerarik ezaren aurka. Horrez gain, zorra berehala ordaintzeko eskatu ahal izango du, kautelazko neurri gisa.
• Faktura elektronikoa:
            - Aldez aurretik, Amurrioko Udalaren “Herritarren Atarian” erregistratu beharko dute, baliozko ziurtagiri digital bat erabiliz.
            - “Fakturen erregistro telematikoa” atalean, fakturari dagokion artxiboa erantsi beharko dute, elektronikoki sinatuta (Xsig luzapena).
            - Faktura elektronikoek facturae formatuari jarraituko diote (3.2 bertsioa).
            - Hauek dira Amurrioko Udalaren DIR kodeak:
                       - Kontabilitate-bulegoa: L01010029
                       - Organo kudeatzailea: L01010029
                       - Izapideak egiten dituen unitatea: L01010029
            - Faktura elektronikoa igortzeko, badaude zerbitzu hori eskaintzen duten doako aplikazioak; esaterako, “ef4ktur” (EAEko foru-aldundiena) edo “facturae” (Industria, Energia eta Turismo Ministerioarena).
            - Faktura elektronikoaren epemugak hori igorritako data baino beranduagokoa izan behar du.
            - Herritarrei prozesua erraztu eta bizkortze aldera, aurkeztu behar diren agirien fotokopiak doan egin ahal izango dira udaletxeko bulegoetan.