Trakzio mekanikoko ibilgailuen gaineko zerga ordaintzetik salbuetsita daude desgaitasuna duten pertsonen izenean eta haiek bakarrik erabiltzeko matrikulatuta dauden ibilgailuak. Ezingo dute salbuespena izan ibilgailu batean baino gehiagotan aldi berean.

Interesa duen pertsonak edo haren legezko ordezkariak.

• ESKABIDE-ORRI OROKORRA.
• IBILGAILUEN GAINEKO ZERGARI BURUZKO ZINPEKO DEKLARAZIOAREN inprimakia.
• Ibilgailuaren agiria.
• Desgaitasunaren ziurtagiria, eta bidezkoa bada, mugikortasun mugatuaren egoerarena, Gizarte Ongizaterako Foru Erakundeak emana.

Udalak bere gain hartzen du kudeaketaren kostua.

Gehieneko legezko epea: 6 hilabete.

Administrazio-isiltasunaren ondorioa: ezezkoa.

• 6/2005 Foru Araua, otsailaren 28koa, Arabako Zerga Orokorrari buruzkoa (2005eko martxoaren 11ko ALHAO, 30. zk.)
• 44/1989 Foru Araua, uztailaren 19koa, Trakzio Mekanikoko Ibilgailuen gaineko Zergari buruzkoa (1989ko abuztuaren 28ko ALHAO, 99. zk.)
• Trakzio Mekanikoko Ibilgailuen gaineko Zerga arautzen duen Udalaren 3. ordenantza fiskala (2013ko abenduaren 30eko ALHAO, 149. zk.)

1. Eskabidea jaso eta erregistratu egingo da.
2. Agiriak Zerbitzu Ekonomikoei igorriko zaizkie.
3. Emandako datuak egiaztatu eta baloratu egingo dira.
4. Sailak proposatutako txostena igorriko da.
5. Alkatetzak edo Tokiko Gobernu Batzordeak ebazpena emango du.
6. Interesdunari jakinaraziko zaio.
7. Bidezkoa bada, zergadunaren bankuko kontura ordainagiria itzuliko da.

• Salbuespenak eskaera aurkezten den urtean izango ditu ondorioak.
• Salbuespen hau interesdunak hala eskatzen duenean ematen da.
• Salbuespena ibilgailu hauei aplikatuko zaie:

                    - % 33 eta % 65 arteko desgaitasun-maila duten pertsonak eta abenduaren 23ko 1971/1999 Errege Dekretuko (ezintasun-maila onartzeko, aitortzeko eta kalifikatzeko prozedurari buruzkoa) III. eranskinean agertzen den baremoaren A, B edo C letretan aipatzen direnak.
                    - Baremo horretako D, E, F, G eta H letretan 7 puntu edo gehiago dituzten pertsonak.
                    - % 65eko edo hortik gorako desgaitasun-maila duten pertsonak.
                    - Ibilgailuen gaineko Zergatik salbuetsita geratuko dira baita ere % 65eko edo hortik gorako desgaitasun-maila duen pertsonaren bat beren kargura dutela egiaztatzen duten titularrak (guraso‑agintea, tutoretza edo kuradoretza dela-eta).

                    - % 33ko baino gehiagoko desgaitasun-maila duten eta mugikortasun-baremoaren A letran aipatzen diren pertsonak; betiere, ibilgailua gurpildun aulkiarekin erabiltzeko egokituta baldin badago.

• Ez zaie salbuespenik egingo desgaitasuna duten pertsonei edo subjektu pasiboei ibilgailu batean baino gehiagotan aldi berean.
• Salbuespena berau ematearen arrazoia izan zen egoerak dirauen bitartean bakarrik aplikatuko da, bai desgaitasunen bat dutenek gidatutako ibilgailuen kasuan bai desgaitasunen bat dutenak eramateko ibilgailuen kasuan.
• Herritarrei prozesua erraztu eta bizkortze aldera, aurkeztu behar diren agirien fotokopiak doan egin ahal izango dira udaletxeko bulegoetan.