Monumentu izaera duten edo monumentu-multzo baten, Euskal Kultur Ondarearen edo Espainiako Ondare Historikoaren barnean dauden ondasunak eskualdatzen direnean ez da zerga ordaindu beharko, baldin eta horien jabeek edo titularrek egiaztatzen badute eurek ordaindu dituztela higiezin horietan egindako mantentze-, hobetze- edo birgaitze-lanak.

Honako higiezinen titularrek edo haien legezko ordezkariek: monumentu izaera dutenak edo Euskal Kultur Ondarearen monumentu-multzo baten barnean daudenak (kalifikatuta zein inbentarioan egon), edo Espainiako Ondare Historikoa osatzen duten ondasun higiezinak.

• ESKABIDE-ORRI OROKORRA.
• Lanetarako udal-baimena edo gauzatze-agindua.
• Eraikuntza, instalazio eta obren gaineko zerga ordaindu izanaren frogagiria.
• Obra amaierako ziurtagiria.
• Ziurtagiria, eskualdatutako zergapeko ondasunak historia- eta arte-multzoaren barruan sartu direla edo kultur intereseko izendatu direla egiaztatzen duena.

Udalak bere gain hartzen du kudeaketaren kostua.

Gehieneko legezko epea: 6 hilabete.

Administrazio-isiltasunaren ondorioa: ezezkoa.

• 6/2005 Foru Araua, otsailaren 28koa, Arabako Zerga Orokorrari buruzkoa (2005eko martxoaren 11ko ALHAO, 30. zk.)
• 46/1989 Foru Araua, uztailaren 19koa, Hiri Lurren Balioa Gehitzearen gaineko Zergari buruzkoa (1989ko abuztuaren 28ko ALHAO, 99.zk.)
• Hiri Lurren Balioa Gehitzearen gaineko Zerga arautzen duen Udalaren 5. Zerga Ordenantza (2015eko maiatzaren 22ko ALHAO, 61. zk.)

1. Eskabidea jaso eta erregistratu egingo da.
2. Agiriak Zerbitzu Ekonomikoei igorriko zaizkie.
3. Emandako datuak egiaztatu eta baloratu egingo dira.
4. Sailak proposatutako txostena igorriko da.
5. Alkatetzaren ebazpena edo Tokiko Gobernu Batzordearen erabakia emango da.
6. Interesdunari jakinaraziko zaio.

• Hobari hau interesdunak hala eskatzen duenean ematen da.
• Higiezin horietan egindako mantentze-, hobekuntza- edo birgaitze-lanek honako baldintza hauek bete beharko dituzte salbuetsi ahal izateko:

1. Lanak balio-gehikuntza gertatu den urteetan egin izana, udal-baimena lortu eta gero, eta ondasun mota horiek babesteko araudia arautzeko arauekin bat etorrita.
   Ondorio horietarako, zerga sortu aurretiko 20 urteetan egindako lanak baino ez dira kontuan izango.
2. Baimena lortzeko aurkeztutako dokumentazioarekin bat etorrita, lanen zenbateko osoa, Euskal Autonomia Erkidegorako kontsumorako prezioen indize orokorraren arabera gaurkotua, higiezinaren katastro-balio osoa baino handiagoa izatea, hau da, lursaila eta eraikuntzaren katastro-balioen batuketa baino handiagoa.
   

• Herritarrei erraztasunak emateko eta prozesua bizkortzeko, aurkeztu beharreko agirien fotokopiak doan egin ahal izango dira Udalaren bulegoetan.