Zerbitzu honen helburua da, autonomiarik ez dutelako, independentziaz moldatu ezin diren pertsonen bizi-kalitatea hobetzea; izan ere, zailtasunak izaten dituzte eguneroko bizitzako jardueretarako eta, beraz, hirugarren pertsona baten laguntza behar izaten dute.

Honako hauek ditu xede, besteak beste:

• Autonomia pertsonala areagotzea eta gizarte-bizitzako integrazioa eta parte-hartzea erraztea.
• Isolamendua apurtzea eta bakarrik bizi diren pertsonei segurtasuna ematen laguntzea.
• Norberaren eta/edo familiaren narriadura saihestea, eta bizi-baldintzak hobetzen dituzten ohiturak sortzen laguntzea.
• Etxetik irteteko eta egoitza-zentro batean sartzeko alternatiba bat eskaintzea.

Etxeko Laguntzaren bidez, onuradunei laguntza pertsonala ematen zaie honako zeregin edo egitekoren bat edo guztiak egiteko:

• Etxeko laguntza: etxea garbitzea, jatekoa prestatzea, arropa garbitzea eta zaintzea.
• Arreta eta laguntza pertsonala: zaintza eta higiene pertsonala; altxatzeko eta etzateko laguntza; jateko laguntza; medikaziorako kontrola.
• Beste batzuk: zaintza eta laguntza; familia-antolamendua; erosketak eta kudeaketak egitea.

Onuradun bakoitzari arreta emateko gehieneko ordutegia aldatu egiten da mendekotasun-mailaren arabera, eta honako hauek dira:

• Mendekotasun-mailarik gabe (MEA). 3 ordu astean.
• MEA 1. gradua, 1. eta 2. mailak: gehienez 5 ordu astean.
• MEA 2. gradua, 1. maila: gehienez 7 ordu astean.
• MEA 2. gradua, 2. maila: gehienez 9 ordu astean.
• MEA 3. gradua, 1. maila: gehienez 13 ordu astean.
• MEA 3. gradua, 2. maila: gehienez 16 ordu astean.

Ordutegi horiek egunean zehar eta astean zehar banatu ahalko dira.

• Zuzenean interesdunak berak; Arabako Lurralde Historikoan egon beharko du erroldatuta, gutxienez eskabidea aurkezteko eguna baino urtebete lehenagotik, eta hura aurkezteko unean Amurrion erroldatuta egon beharko du. Errolda-eskakizuna betetzen ez denean, zerbitzuaren helburu den pertsona edo pertsonak familia-errotazioan daudelako eta/edo etxebizitzaz aldatu direlako, bat-batean etorri den krisi-egoera baten ondorioz, salbuespen gisa prestazio hori eman liteke.
• Interesdunaren legezko ordezkaritza esleituta duenak.
• Interesdunaren egitatezko zaintzaren ardura duenak, halakorik egonez gero.

• Eskabidea, eredu ofizialaren arabera; Oinarrizko Gizarte Zerbitzuak eman ahalko du. (004. eranskina).
• Identitatea egiaztatzeko dokumentuak:
  • NANa, AIZa edo, bestela, indarreko legeriaren arabera, identitatea egiaztatzen duen beste edozein dokumentu ofizial, bai interesdunarena, bai legezko ordezkaritzaren edo egitatezko zaintzaren ardura duenarena.
  • Legezko ordezkaritza egiaztatzen duen dokumentazioa, halakorik egonez gero. Era berean, 8. eranskina.- Ordezkariaren datuak bete beharko da.
  • Juridikoki gaitasunik ez duten helduen kasuan, tutorea izendatzeko ebazpen judiziala.
  • Hala badagokio, egitatezko zaintzailearen NANaren edo AIZen fotokopia eta zinpeko adierazpena, eredu ofizialaren arabera (009 eranskina).
• Gizarte Ongizaterako Foru Erakundearentzako baimena, familia-unitatea osatzen duten pertsona guztiek sinatuta, datu pertsonalak lortzeko, erabiltzeko eta/edo transmititzeko. (012. eranskina)
• Banku-kontua identifikatzeko fitxa, eredu ofizialari jarraikiz (13. eranskina)
• Estatuko Ogasunak Euskal Autonomia Erkidegotik kanpoko landa- eta hiri-ondasunei buruz emandako ziurtagiria. Egiaztagiri hori Oinarrizko Gizarte Zerbitzuak eskatu ahalko du, baina aurretik interesdunaren baimen idatzia beharko da.
• Eskatzailearen iritziz zerbitzua emateko beharra baloratzeko erabakigarriak izan daitezkeen txostenak.

Aurrez-aurre

Udaletxean. Gizarte Zerbitzuak arloa

Juan Urrutia z.g., beheko sol., ztr. 01470 – Amurrio

Posta arrunta

Udaletxean. Gizarte Zerbitzuen Arloa

Juan Urrutia z.g., beheko sol., ztr. 01470 – Amurrio

Eskaera izapidetzeko, agiriak posta arruntaren bidez aurkezten badira ere, hitzordua eskatu beharko da erreferentziazko gizarte-langilearekin. Hitzordua bitarteko hauen bidez eskatu ahal izango da:

• Aurrez aurre: udaletxean. Gizarte Zerbitzuak arloa- beheko solairua, zentroa (Juan Urrutia z.g. 01470 – Amurrio).
• Telefonoz: 945891161
• Posta elektronikoa:14Tisaenz@amurrio.eus14T
• Posta arrunta: adierazitako helbidera bidali behar da.

Udalak bere gain hartzen du kudeaketaren kostua.

Aurreikusitako epea: bi hilabete.

Gehieneko legezko epea:

• Mendekotasunik ez duten pertsonak: 4 hilabete, Oinarrizko Gizarte Zerbitzuetan eskabidea aurkezten denetik.
• Mendeko pertsonak:
  1. 2 hilabete, eskabidea Oinarrizko Gizarte Zerbitzuan aurkezten denetik, baldin eta hori mendekotasun-ebazpena eman eta jarraian egiten ez bada.
  2. 6 hilabete, mendekotasuna ematen denetik aurrera zenbatzen hasita.
     

Epe barruan ez-erantzutearen eragina: positiboa.

• Diputatuen Kontseiluaren 4/2016 FORU DEKRETUA, urtarrilaren 26koa, zeinaren bidez arautzen baitira Gizarte Ongizaterako Foru Erakundeak eskaintzen dituen zerbitzuengatik ordaindu beharreko prezio publikoak.
• Diputatuen Kontseiluaren 36/2014 Foru Dekretua, uztailaren 22koa, arautzen duena mendetasun egoera aitortzeko, ezintasuna kalifikatzeko eta garapenaren arazoak edo horiek jasateko arriskua aitortzeko prozedura, bai eta, baldintza horiek emanez gero, Arabako gizarte zerbitzuak eta diru prestazioak jasotzeko eskubidea eta prozedura ere (98 zenbakiko ALHAO, 2014/09/01ekoa)
• 45/2007 Foru Dekretua, maiatzaren 8ko Diputatuen Kontseiluarena. Honen bidez, mendekotasun egoera onartuta ez duten pertsonak Arabako Lurralde Historikoko Gizarte Zerbitzuen Foru Sarera sartzeko eta lekuz aldatzeko erregimena arautzen duen arautegia onartzen da.
• 39/2006 LEGEA, abenduaren 14koa, Autonomia pertsonala sustatzeari eta endetasun-egoeran dauden pertsonak zaintzeari buruzkoa (299 zenbakiko BOE, 2006/12/15ekoa)
• Etxerako Laguntza Zerbitzuak ematea arautzen duen Arauteria, Gizarte Ongizaterako Foru Erakundeko Administrazio Batzarrak 1998ko urriaren 13an egindako bilkuran hartutako erabakiaren bidez onetsia (133 zenbakiko ALHAO, 1998ko azaroaren 20koa)
• Etxez etxeko Laguntzarako Zerbitzuen Arautegiaren 13.8 artikuluaren aldaketa (37 zenbakiko ALHAO, 2005eko apirilaren 1ekoa)

1. Eskabidea jaso eta erregistratu egingo da.
2. Dokumentazioa berrikusi eta akatsak edo gabeziak konponduko dira.
3. Eskaera Gizarte Ongizaterako Foru Erakundearen aplikazio informatikoan grabatuko da.
4. Banako Arreta Plana prestatuko da (BAP).
5. Oinarrizko Gizarte Zerbitzuak pertsona eskatzailearen gizarte- eta familia-egoera jasotzen duen txostena egingo da.
6. Espediente osoa Gizarte Ongizaterako Foru Erakundeari bidaliko zaio.

• Familia-unitate bakar batean, pertsona batek baino gehiagok jaso dezake etxeko laguntza-zerbitzua; eskabideak independenteak izango dira.
• Egunero gehienez hiru orduz eskainiko da arreta.
• Gizarte Ongizaterako Foru Erakundeak baliabide hau emateko prezioa esleituko du, espedientearen balorazio ekonomikoa oinarri hartuta.
• Zerbitzua 6 hilabetez etenez gero, iraungi egingo da.
• Jarraipen-fasean, aldaketak egin daitezke arreta-programan (aldaketak ordu-kopuruan edo -banaketan, bai eta emango den arreta-motan ere), kontuan hartuta familia-egoera eta aldaketak mendekotasun-egoeran.
• Familia-errotazioko egoeretan, arreta-programa familia bakoitzaren beraren beharretara egokituko da.
• Herritarrei prozesua errazteko eta arintzeko, udaletxeko bulegoetan egin ahal izango dira aurkeztu beharreko agirien fotokopiak, doan.