Pertsona bat edo gehiago udalerrian erroldatu direla adierazten duen agiria da, baina ez du ziurtagirietarako eskatu ohi den sinadura-formalitaterik.

• Banakakoa: txartela egiten den unean pertsona hori bertan ageri den helbidean bizi dela ziurtatzen du.
• Taldekoa: txartela egiten den unean pertsona horiek bertan ageri den helbidean bizi direla ziurtatzen du.
• Historikoa: biztanle batek erroldan izandako aldaketak (Amurrion lehenengoz alta eman zuenetik txartela egin artekoak) ziurtatzen ditu. Ez da emango 1996ko maiatzetik atzerako datuak dituen txartel historikorik (ikusi biztanleen udal-erroldako 2.6 fitxa: ziurtagiria).

Interesa duen pertsonak edo haren legezko ordezkariak.

1. Interesa duen pertsona udaletxera joaten bada, NANa, pasaportea, gidabaimena edo egoitza-baimena aurkeztu beharko du, betiere jatorrizko agiria.
2. Telefonoz, faxez edo posta elektronikoz ere eska daiteke. Kasu horretan, txartela erroldan agertzen den helbidera bakarrik igorriko da.
3. Eskaera aurrez aurre egiten bada, baina eskatzen duena interesa duen pertsona ez bada, IZAPIDEAK EGITEKO BAIMENA deritzon orria bete behar da. Horrez gain, agiri hauek aurkeztu behar dira: interesa duen pertsonaren NANa, pasaportea edo egoitza-baimena (kasuan kasukoa) eta baimendutako pertsonaren agiri originalak.

Udalak bere gain hartuko ditu kudeaketa-gastuak.

Aurreikusitako epea: banakako txartelak, taldekoak eta historikoak eskaera aurkezten den unean emango dira. Eskaera postaz edo telefonoz egiten bada, 48 orduko epean emango dira.

Gehieneko legezko epea: hiru hilabete.

Administrazio-isiltasunaren ondorioa: ez dagokio.

• 7/1985 Legea, Toki Araubidearen Oinarriak araupetzen dituena. 15 eta ond. artikuluak (1985eko apirilaren 3ko 80 zenbakiko BOE)
• 1690/1986 Errege Dekretua, Toki Erakundeen Biztanleriari eta Lurralde Mugaketari buruzko Erregelamendua. 53 eta ond. artikuluak (1985eko apirilaren 14ko 190 zenbakiko BOE)

1. Aurkeztutako agiriak eta datuak egiaztatu egingo dira.
2. Baldintza guztiak betetzen badira, txartela emango da.
3. Artxibatu egingo da.

• Eskolan matrikula egiteko garaian, Udalak interesdunei bidaliko die txartela, matrikulatzeko kanpaina hasi baino hilabete lehenago.
• Herritarrei prozesua erraztu eta bizkortze aldera, aurkeztu behar diren agirien fotokopiak doan egin ahal izango dira udaletxeko bulegoetan.