Beren ohiko etxebizitzarentzat ezarritako baremoaren azpiko errentak dituzten titularrek zergaren % 99ko murrizketa jasotzeko eskubidea dute, etxebizitzan bizi direnen diru-sarreren eta bertan bizi den edo familia-unitatea osatzen duten pertsona kopuruaren arabera.

Interesa duen pertsonak edo haren legezko ordezkariak.

• ESKABIDE-ORRI OROKORRA.
• Eskaera aurkezten den urtearen aurreko ekitaldiari dagokion PFEZren aitorpena, etxebizitzan bizi diren guztiena.
• PFEZren autolikidazioa aurkezteko betebeharrik izan ezean, Arabako Foru Aldundiak egindako diru-sarreren ziurtagiri bat.

Udalak bere gain hartzen du kudeaketaren kostua.

Gehieneko legezko epea: 6 hilabete.

Administrazio-isiltasunaren ondorioa: ezezkoa.

• 6/2005 Foru Araua, otsailaren 28koa, Arabako Zerga Orokorrari buruzkoa (2005eko martxoaren 11ko ALHAO, 30. zk.)
• 42/1989 Foru Araua, uztailaren 19koa, Ondasun Higiezinen gaineko Zergari buruzkoa (1989ko abuztuaren 25eko ALHAO, 98. zk.)
• Ondasun Higiezinen gaineko Zerga arautzen duen 2. udal-ordenantza fiskala (2014ko abenduaren 5eko ALHAO, 139. zk.)

1. Eskabidea jaso eta erregistratu egingo da.
2. Agiriak Zerbitzu Ekonomikoei igorriko zaizkie.
3. Emandako datuak egiaztatu eta baloratu egingo dira.
4. Ondasunak lokalizatzeko oharra eskatuko zaio Jabetzaren Erregistroari.
5. Sailak proposatutako txostena igorriko da.
6. Alkatetzak edo Tokiko Gobernu Batzordeak ebazpena emango du.
7. Interesdunari jakinaraziko zaio.

• Hobari hau interesdunak hala eskatzen duenean ematen da.
• Hobaria eskaera egin eta hurrengo urtean hasiko da ondoreak izaten, hiru urtez (berritu daiteke).
• Higiezinak etxebizitza- erabilera bakarrik izango du eta subjektu pasiboaren ohiko bizilekua izango da.
• Ez subjektu pasiboak ez etxebizitzan bizi diren gainerako pertsonek ezin izango dute etxebizitza-erabilera bakarrik duen beste higiezinik eduki.
• Hobaria emateko, eskariari dagokion ekitaldiaren aurreko urteko diru-sarrerak hartuko dira kontuan.
• Hobaria etxebizitzei aplikatuko zaie, baldin eta errentari eta egoiliarrei dagozkien baldintza hauek betetzen badituzte:
            - Urtean 7.000 euro baino gutxiagoko errenta, etxebizitzan subjektu pasiboa bakarrik bizi bada.
            - 14.000 euro baino gutxiagoko errenta, etxebizitzan bi pertsona bizi badira.
            - 21.000 euro baino gutxiagoko errenta, etxebizitzan bi pertsona baino gehiago bizi badira.

• Herritarrei prozesua erraztu eta bizkortze aldera, aurkeztu behar diren agirien fotokopiak doan egin ahal izango dira udaletxeko bulegoetan.